கோவையில் நாடாளுமன்ற தேர்தலை முன்னிட்டு கட்சி கொடிகள் தயாரிக்கும் பணிகள் துவங்கியது. இதன் மூலம் தேர்தல் களம் சூடு பிடிக்க தொடங்கி உள்ளது.
நாடாளுமன்ற தேர்தல் நெருங்கி வரும் நிலையில் அனைத்து கட்சிகளும் தேர்தல் பணிகளில் அதிகளவில் தீவிரம் காட்டி வருகின்றனர். மேலும் இனிவரும் நாட்களில் பிரச்சாரம், பொதுகூட்டம், கட்சி பேரணிகள், தெருமுனை பிரச்சாரம் என தேர்தல் களம் முழுமையாக சூடு பிடிக்க தொடங்கி விடும். அதே சமயம் அந்தந்த கட்சி அலுவலகங்கள், பிரச்சாரம் நடைபெறும் இடங்கள், பேரணி நடைபெறும் இடங்கள் என அனைத்து இடங்களிலும் அந்தந்த கட்சி கொடிகள் அதிகளவு காணப்படுவது வழக்கம்.
இந்த நிலையில் கோவை மாவட்டத்தில் கட்சி கொடிகள் தயாரிக்கும் பணிகள் முழுமையாக தொடங்கி உள்ளது. கோவை மாவட்டம், அடுத்த டவுன்ஹால் பகுதியில் உள்ள பிரபல காந்திஜீ கதர் ஸ்டோரில் ஏராளமான கட்சி கொடிகள் தயாரிக்கும் பணிகள் தொடங்கி தீவிரமாக நடைபெற்று வருகிறது. இதற்கான முன்னேற்பாடுகளாக முக்கிய கட்சிகளின் கொடிகள், கட்சி சின்னங்கள் பொறித்த கொடிகள், கட்சி தலைவர்கள் புகைப்படங்கள் பொறித்த கொடிகள் தயாரிக்கும் பணிகள் தீவிரமாக நடைபெற்று வருகிறது.
இது குறித்து கொடி தயாரிப்பாளர்கள் கூறுகையில் வருகின்ற நாடாளுமன்ற தேர்தலை முன்னிட்டு அனைத்து கட்சிகளின் கொடிகளையும் கட்சித் தலைவர்கள் கட்சியின் சின்னங்கள் பொறித்த கொடிகளையும் தயாரித்து வைத்து கொள்வோம் எனவும் கட்சி கூட்டணிகள் முடிவான பின்பு அதற்கு தகுந்தாற்போலும் கொடிகளையும் தயாரிக்க துவங்கி விடுவோம் என தெரிவித்தனர். மேலும் இங்கு கட்சி மோதிரங்கள், கையில் கட்டும் பேண்டுகள், தொப்பிகளும் கிடைக்கும் என கூறினர்.
இது குறித்து கொடி தயாரிப்பாளர்கள் கூறுகையில்;- வருகின்ற நாடாளுமன்ற தேர்தலை முன்னிட்டு அனைத்து கட்சிகளின் கொடிகளையும் கட்சித் தலைவர்கள் கட்சியின் சின்னங்கள் பொறித்த கொடிகளையும் தயாரித்து இருப்பில் வைத்து கொள்வோம் எனவும், கட்சி கூட்டணிகள் முடிவான பின்பு அதற்கு தகுந்தாற்போலும் கொடிகளையும் தீவிரமாக தயாரிக்க தொடங்கி விடுவோம் என தெரிவித்தனர்.
மேலும் இங்கு வருகின்ற நாடாளுமன்ற தேர்தலை முன்னிட்டு அனைத்து கட்சிகளின் கட்சி மோதிரங்கள், கையில் கட்டும் பேண்டுகள், தொப்பிகளும் கிடைக்கும் எனவும் அவர்கள் கூறினர். இங்கு குடியரசு மற்றும் சுதந்திர தினங்களன்று தேசிய கொடி அதிகளவில் தயாரிக்கப்படும் என்பதும் கோவில் விழாக்களுக்கும் கோவில் கொடிகள் தயாரிக்கப்படும் என்பதும் குறிப்பிடத்தக்கது.
