நந்தினி நெய் பயன்படுத்தப்படாது-திருப்பதி தேவஸ்தானம் அதிரடி.!

0
50
திருப்பதி

உலகப் புகழ் பெற்ற திருப்பதி லட்டுவில் இனி கர்நாடக மாநிலத்தின் நந்தினி நெய் பயன்படுத்தப்படாது என திருப்பதி தேவஸ்தானம் தெரிவித்துள்ளது. திருப்பதி லட்டுவில் இனி கர்நாடக மாநிலத்தின் நந்தினி நெய் பயன்படுத்தப்படாது என திருப்பதி தேவஸ்தானம் தெரிவித்துள்ளது. நந்தினி நிறுவனம் நெய் விலையை குறைக்க மறுத்ததால் தேவஸ்தான நிர்வாகம் இந்த அதிரடி முடிவை எடுத்துள்ளது.

திருப்பதி லட்டு:

திருப்பதி என்றாலே லட்டுதான். திருப்பதி ஏழுமலையான் எந்த அளவுக்கு உலக அளவில் பிரபலமோ அந்த அளவுக்கு திருப்பதி ஏழுமலையான் கோவில் லட்டு பிரசாதமும் பிரபலம். திருப்பதி ஏழுமலையானை தரிசனம் செய்யும் பக்தர்கள் லட்டு வாங்காமல் திரும்ப மாட்டார்கள். 1803 ஆம் ஆண்டு முதல் தயாரிக்கப்படும் திருப்பதி லட்டு புவிசார் குறியீடு பெற்றது.

லட்டு பிரசாதம்:

திருப்பதி ஏழுமலையானை தரிசனம் செய்துவிட்டு அவருடைய பிரசாதமான லட்டை சாப்பிட்டால் பல ஜென்ம பாவங்கள் நீங்கும் என்பது பக்தர்களின் நம்பிக்கை. இதனால் திருப்பதியில் லட்டு பிரசாதத்தை பெற பக்தர்கள் போட்டி போட்டு வருகிறார்கள். இதற்காக நாள்தோறும் லட்சக்கணக்கான லட்டுக்கள் தயாரிக்கப்பட்டு வருகின்றன.

தனி சுவை:

திருப்பதி லட்டில் சாதாரணமாக கடைகளில் வாங்கும் லட்டுவை விட சுவை சிறப்பாக இருக்கும். அந்த சுவை வேற எந்த லட்டிலும்
இல்லாத தனி சுவை. திருப்பதி லட்டில் கடைகளில் விற்கப்படும் லட்டுக்களை காட்டிலும் முந்திரி, திராட்சை, ஏலக்காய், கற்கண்டு, நெய், இனிப்பு ஆகியவையும் தூக்கலாக இருக்கும். இந்நிலையில் இத்தனை சிறப்புக்களை கொண்ட திருப்பதி லட்டுக்கு தற்போது ஒரு சோதனை வந்துள்ளது.

நந்தினியின் அறிவிப்பு:

அதாவது கடந்த 20 ஆண்டுகளுக்கும் மேலாக திருப்பதி லட்டு செய்ய நெய் வழங்கி வந்த கர்நாடக அரசின் நந்தினி நிறுவனம்
இனி நெய் வழங்கப் போவதில்லை என தெரிவித்துள்ளது. தமிழகத்தில் எப்படி மாநில அரசு, ஆவின் நிறுவனத்தின் மூலம் பால் கொள்முதல் செய்து, பால் மற்றும் பால் பொருட்களை விற்பனை செய்து வருகிறதோ, அதேபோல் கர்நாடக அரசு நந்தினி நிறுவனத்தின் மூலம் விற்பனை செய்து வருகிறது.

பால் விலை உயர்வு:

இந்நிலையில் ஆகஸ்ட் 1ஆம் தேதியான இன்று முதல் கர்நாடக நந்தினி பால் விலையை லிட்டருக்கு 3 ரூபாய் உயர்த்தியுள்ளது.
கடுமையான நிதி நெருக்கடியைச் சந்தித்து வருவதால் நந்தினி பால் கூட்டமைப்பு இந்த அதிரடி முடிவை எடுத்துள்ளது. பால் விலை உயர்ந்துள்ளதால் பால் பொருட்களின் விலையும் உயர்ந்துள்ளது.

நெய் விலை உயர்வு:

அதன்படி நந்தினி நெய்யின் விலையும் அதிகரித்துள்ளது. ஆனால் இந்த விலை உயர்வை திருப்பதி தேவஸ்தானம் ஏற்கவில்லை.
பழையப்படி குறைந்த விலைக்கே நெய் வழங்க வேண்டும் என்பதில் திருப்பதி தேவஸ்தான நிர்வாகம் பிடிவாதமாக இருந்துள்ளது.
ஆனால் பழைய விலைக்கு நெய் விற்பனை செய்தால் கட்டுப்படியாகாது என நந்தினி நிர்வாகம் தரப்பில் தெரிவிக்கப்பட்டுள்ளது.

திருப்பதி தேவஸ்தானம்:

இதையடுத்து நந்தினி நெய் தொடர்பான ஒப்பந்தத்தை திருப்பதி தேவஸ்தானம் புதுப்பிக்கவில்லை. இந்நிலையில் இதுகுறித்து பேசிய கேஎம்எஃப் எனும் கர்நாடக மில்க் பெடரேஷன் தலைவர் பீமா நாயக், பால் விலை உயர்த்தப்பட்டுள்ளதால் நெய் விலையும் உயர்ந்துள்ளது என்றார். இதனால் திருப்பதி லட்டுகளை தயாரிக்க குறைந்த விலையில் நெய் வழங்க முடியாத நிலை ஏற்பட்டுள்ளது என்றும் அவர் கூறினார்.

லட்டு முன்புபோல் இருக்காது:

இதனால் பல ஆண்டுகளுக்குப் பிறகு, திருமலை திருப்பதி தேவஸ்தானத்திற்கு நந்தினி நெய் வழங்குவதை நிறுத்தப்பட்டுள்ளது என்றும் அவர் கூறினார். மேலும் நந்தினியின் நெய் உலகத் தரத்தில் தயாரிக்கப்பட்டுள்ளது என்ற பீமா நாயக், மற்ற நெய்யை அதனுடன் ஒப்பிட முடியாது என்றும் தெரிவித்தார். தொடர்ந்து பேசிய அவர், இனிமே திருப்பதி லட்டு முன்பு மாதிரி இருக்காது என்று தான் நினைப்பதாகவும் தெரிவித்துள்ளார்.

தரத்தில் சமரசம்:

நந்தினி சந்தையில் சிறந்த நெய்யை வழங்கி வருகிறது என்று தன்னால் உறுதியளிக்க முடியும் என்ற பீமா நாயக், நந்தினியை விட குறைந்த விலையில் நெய்யை ஏதேனும் ஒரு நிறுவனம் வழங்கினால், அதன் தரத்தில் சமரசம் ஏற்படும் என்று தனக்கு தோன்றுவதாகவும் பீமா நாயக் தெரிவித்துள்ளர்.

தட்டி தூக்கிய அமுல்:

இதனிடையே திருப்பதி தேவஸ்தானம் லட்டு தயாரிப்புக்கான நெய்யை அமுல் நிறுவனத்திடம் இருந்து பெற உள்ளதாக தகவல் வெளியாகியுள்ளது. குஜராத் அரசின் பொதுத்துறை நிறுவனமான அமுல் நிறுவனம்தான் ஆந்திராவில் விவசாயிகளிடம் பால் கொள்முதல் செய்து விற்பனை செய்து வருகிறது. இந்நிலையில் அந்த நிறுவனத்திடமே திருப்பதி லட்டுக்கான நெய் பெறுவதற்கு திருப்பதி தேவஸ்தான நிர்வாகம் ஒப்பந்தம் செய்துள்ளதாக தகவல் வெளியாகியுள்ளது.

LEAVE A REPLY

Please enter your comment!
Please enter your name here