செவ்வாய்கிழமையன்று இஸ்ரேலிய ராணுவம் காசா மருத்துவமனை மீது நடத்திய வான்வழித் தாக்குதலில் பாலஸ்தீனியர்கள் நூற்றுக்கணக்கானோர் கொல்லப்பட்டதாக காசா சுகாதார அமைச்சகம் தெரிவித்துள்ளது. இந்த தாக்குதல் உறுதிசெய்யப்பட்டால், 2008க்குப் பிறகு நடந்த 5 போர்களில் இஸ்ரேலிய வான்வழித் தாக்குதல்களில் இதுவே மிக மோசமான தாக்குதலாக இருக்கும். குறைந்தது 500 பேர் கொல்லப்பட்டதாக அமைச்சகம் தெரிவித்துள்ளது.
காசா நகரத்தில் உள்ள பல மருத்துவமனைகள் நூற்றுக்கணக்கான மக்களுக்கு புகலிடங்களாக மாறியுள்ளன, இஸ்ரேல் நகரம் மற்றும் அதைச் சுற்றியுள்ள பகுதிகளில் வசிப்பவர்கள் அனைவரையும் தெற்கு காசா பகுதிக்கு காலி செய்ய உத்தரவிட்டதை அடுத்து, குண்டுவீச்சிலிருந்து தப்பிக்க முடியும் என்று நம்புகிறார்கள்.
அக்டோபர் 7 ம் தேதி தெற்கு இஸ்ரேல் மீது ஹமாஸ் நடத்திய எல்லை தாண்டிய தாக்குதலுக்கு பதிலடி கொடுக்கும் வகையில், இஸ்ரேல் தொடர் வான்வழி தாக்குதல் நடத்திவருகிறது .
காசா நகரம் சுற்றியுள்ள பகுதிகளில் வசிக்கும் அனைவரையும் தெற்கு காசா பகுதிக்கு இடம்பெயர இஸ்ரேல் உத்தரவிட்டதை அடுத்து தங்களை வெடிகுண்டு தாக்குதலில் இருந்து தற்காத்துக்கொள்ள பல மருத்துவமனைகளில் தஞ்சம் அடைந்துள்ளனர் .
இஸ்ரேலிய இராணுவ செய்தித் தொடர்பாளர் ரியர் அட்எம். டேனியல் ஹகாரி கூறுகையில், மருத்துவமனை மீது நடத்தப்பட்ட தாக்குதலில் இறந்தவர்கள் பற்றிய விவரங்கள் இன்னும் தெரியவில்லை , நாங்கள் விவரங்களைப் பெற்று பொதுமக்களுக்கு அறிவிப்போம். இது இஸ்ரேலிய வான்வழித் தாக்குதலா என்று இதுவரை உறுதி செய்யப்படவில்லை .
தெற்கு காசா பகுதியில் , தொடர்ச்சியான வான்வழி தாக்குதலால் தினமும் நூற்றுக்கணக்கான பொதுமக்கள் கொல்லப்பட்டுவருகின்றனர் . இது கடந்த வாரம் ஹமாஸின் தாக்குதலுக்கு பதிலடி கொடுக்கும் நடவடிக்கை என்று இஸ்ரேல் ராணுவம் தெரிவித்திருந்தது .
காசா மீதான இஸ்ரேலிய தாக்குதல்களில் இதுவரை குறைந்தது 2,778 பேர் கொல்லப்பட்டுள்ளனர் மற்றும் 9,700 பேர் காயமடைந்துள்ளனர் என்று காசா சுகாதார அமைச்சகம் தெரிவித்துள்ளது. கொல்லப்பட்டவர்களில் கிட்டத்தட்ட மூன்றில் இரண்டு பங்கு குழந்தைகள் என்று அமைச்சக அதிகாரி ஒருவர் தெரிவித்தார்.
போரினை தொடர்ந்து 1 மில்லியனுக்கும் அதிகமான பாலஸ்தீனியர்கள் தங்கள் வீடுகளை விட்டு வெளியேறியுள்ளனர் – காசாவின் மக்கள்தொகையில் பாதி பேர் – மற்றும் 60 சதவீதம் பேர் இப்போது வெளியேற்ற மண்டலத்திற்கு தெற்கே தோராயமாக 14 கிலோமீட்டர் (8-மைல்) நீளமான பகுதியில் உள்ளனர் என்று ஐ.நா. தெரிவித்துள்ளது .
போரினை தொடர்ந்து காஸாவுக்குள் தண்ணீர், எரிபொருள் மற்றும் உணவுப் பொருட்களை நுழைய இஸ்ரேல் தடை விதித்துள்ளது.
இந்நிலையில் அமெரிக்க வெளியுறவுத்துறை செயலர் ஆண்டனி பிளிங்கன் இஸ்ரேலிய பிரதமர் பெஞ்சமின் நெதன்யாகுவுடன் ஒப்பந்தம் செய்து, பிராந்தியத்தில் உள்ள 2.3 மில்லியன் மக்களுக்கு உதவிகளை வழங்குவதற்கான ஒரு உடன்படிக்கையை உருவாக்குவது தொடர்பாக தொடர்ந்து பேச்சு வார்த்தை நடத்தி வருகிறார் .
அமெரிக்க ஜனாதிபதி ஜோ பைடேன் மற்றும் பிற நாட்டு தலைவர்கள் இரு நாட்டு போரைத் தடுக்கும் முயற்சியாக விரைவில் இஸ்ரேல் செல்லவிருப்பதாக தகவல்கள் வெளியாகியுள்ளது .
பல்லாயிரக்கணக்கான துருப்புக்கள் எல்லையில் குவிந்துள்ள நிலையில், இஸ்ரேல் காசா மீது தரைவழிப் படையெடுப்பைத் தொடங்கும் என்று எதிர்பார்க்கப்படுகிறது – ஆனால் இதுகுறித்து உறுதியான தகவல்கள் இன்னும் வெளியாகவில்லை .
“அடுத்த கட்டப் போருக்குத் தயாராகி வருகிறோம்” என்று இஸ்ரேலிய இராணுவ செய்தி தொடர்பாளர் லெப்டினன்ட் கர்னல் ரிச்சர்ட் ஹெக்ட் தெரிவித்திருக்கிறார் .
