விளாங்குறிச்சி பகுதியில் வெளியேறும் பாம்புகளால் பொதுமக்கள் அச்சம்..!

0
19

விளாங்குறிச்சி பகுதியில் முறையாக பராமரிக்கப்படாத குடிநீர் தண்ணீர் தொட்டி இடத்தில் இருந்து வெளியேறும் பாம்புகளால் பொதுமக்கள் அச்சம்.

கோவை மாநகராட்சி 32-வது வார்டு விளாங்குறிச்சி மருதம் நகர் பகுதியில் தமிழ்நாடு குடிநீர் வடிகால் வாரியத்தின் குடிநீர் தொட்டி உள்ளது. தற்போது இந்த குடிநீர் தொட்டி அமைந்துள்ள இடத்தில் சுமார் 40-க்கும் மேற்பட்ட குடும்பங்கள் வசித்து வரும் சூழலில்,

முறையாக பராமரிக்கப்படாத குடிநீர் தண்ணீர் தொட்டி இடத்தில் இருந்து வெளியேறும் பாம்புகள்

குடிநீர் தொட்டிக்கு கீழே சுற்றிலும் புதர் மண்டி கிடப்பதால் பாம்பு, தேள் உள்ளிட்ட விஷ ஜந்துக்கள் அடிக்கடி வீடுகள் இருக்கும் பகுதிகளுக்கு வந்து விடுவதாகவும், இதனால் இப்பகுதியில் வசிப்பதற்கே அச்சமாக உள்ளதென அப்பகுதி மக்கள் தெரிவிக்கின்றனர்.

மேலும் இப்பகுதியில் குழந்தைகள் விளையாடவே முடியாத சூழல் நிலவுவதாகவும் இப்பகுதியில் நடந்து செல்லவே பயமாக இருப்பதாக தெரிவித்தனர். குடிநீர் வடிகால் வாரிய அதிகாரிகளிடம் இது குறித்து தெரிவித்தும் எவ்வித நடவடிக்கையும் எடுக்கப்படவில்லை என பொதுமக்கள் கூறினர்.

விளாங்குறிச்சி பகுதி மக்கள்

தண்ணீர் தொட்டி இருக்கின்ற இடத்தை மாநகராட்சி பணியாளர்களோ குடிநீர் வடிகால் வாரிய பணியாளர்களோ அடிக்கடி சுத்தம் செய்ய வேண்டுமென கோரிக்கை விடுத்த மக்கள் அப்படி செய்தால் தான் பாம்புகள் உள்ளிட்ட விஷ ஜந்துக்கள் வீடுகள் இருக்கின்ற பகுதிகளுக்கு வராமல் இருக்கும் என தெரிவித்தனர்.

LEAVE A REPLY

Please enter your comment!
Please enter your name here