தமிழ்நாட்டின் அடுத்த தலைமை செயலாளர் , டி ஜி பி யார் என்று தேர்வு செய்வதில் , கடும் போட்டி நிலவி வருகிறது .
10 வருட காத்திருப்புக்கு பின்பு 2021 -ம் ஆண்டு சட்டசபை தேர்தலில் ஆட்சியை பிடித்த திமுக அரசு , 1987 ம் ஆண்டில் ஐ.பி.எஸ். முடித்த சைலேந்திரபாபுவை ஆட்சி பொறுப்பேற்ற அடுத்த மாதமே தமிழநாட்டின் காவல் துறை தலைவராக (டி ஜி பி) நியமித்தது .
வயது மூப்பு காரணமாக சைலேந்திரபாபுவின் பதவி காலம் இந்த மாதம் (ஜூன்) 30ம் தேதியுடன் நிறைவு பெறுவதால், அடுத்த டி ஜி பி – யை தேர்ந்தெடுக்கும் பணியில் முழுமூச்சுடன் செயல்பட்டு வருகிறது .
தமிழ் நாட்டின் அடுத்த டி ஜி பி யாராக இருக்க போகிறார்கள் என்ற எதிர்பார்ப்பு அணைத்து தரப்பு மக்களிடம் நிலவி வரும் வேலையில் , டி ஜி பி பதவிக்கு தமிழ்நாடு அரசு சார்பில் 13 ஐ.பி.எஸ். அதிகாரிகளின் பெயர்கள் தகுதி பட்டியலில் இடம் பிடித்துள்ளது .
இதில் 1990-ம் ஆண்டு பேட்ச்யை சேர்ந்த ஐ.பி.எஸ். அதிகாரிகள் சஞ்சய் அரோரா, பிகே ரவி, ஷங்கர் ஜிவால், ஏ.கே.விஸ்வநாதன், ஆபாஷ் குமார் ஆகியோரும் 1991-ம் ஆண்டு பேட்ச்யை சேர்ந்த அமரேஷ் பூஜாரி ஆகியோர் தமிழ் நாடு டி ஜி பி பதவிக்கான போட்டியில் முன்னிலையில் உள்ளனர்.
தமிழ்நாட்டின் மூத்த ஐபிஎஸ் அதிகாரியான சஞ்சய் அரோரா தமிழ்நாடு டி ஜி பி பதவிக்கு விருப்பம் தெரிவித்துள்ள நிலையில் , தமிழ்நாடு காவல்துறை தலைவர் பதவி , ஷங்கர் ஜிவாலுக்கு கிடைக்க அதிக வாய்ப்புள்ளதாக தெரிகிறது .
சுப்ரீம் கோர்ட்டு உத்தரவின்படி மாநிலத்தின் புதிய டி.ஜி.பி. தேர்ந்தெடுக்கும் போது மத்திய குடிமைப்பணிகள் ஆணையத்தின் (யு.பி.எஸ்.சி.) ஆலோசனை பெற வேண்டும் . இதன்படி மாநிலத்தின் டி.ஜி.பி பதவிக்கு தகுதியானவர்களின் பட்டியலை மாநில அரசு, குடிமைப்பணிகள் ஆணையத்துக்கு அனுப்பி வைக்கும்.
மாநில அரசு அனுப்பி வாய்த்த பட்டியலிலிருந்து, குடிமைப்பணிகள் ஆணையம் 3 பேரை தேர்வு செய்து மாநில அரசுக்கு அனுப்பும். இதிலிருந்து ஒருவரை டி.ஜி.பி. யாக மாநில அரசு நியமிக்கும் .
சுப்ரீம் கோர்ட்டு மேற்கோள்களின்படி தமிழ்நாடு அரசு சார்பில் தகுதி பாட்டியல் நேற்று டெல்லியிலுள்ள குடிமைப்பணிகள் ஆணையத்துக்கு அனுப்பிவைக்கப்பட்டு , இதுகுறித்து 2 மணி நேரம் ஆலோசனை நடத்தப்பட்டது .
உள்துறை அமைச்சரவை அதிகாரிகள் பங்கேற்ற இந்த கூட்டத்தில் தமிழ்நாடு அரசு சார்பில் தற்போதைய டி.ஜி.பி. சைலேந்திரபாபு , தலைமைச்செயலாளர் இறையன்பு மற்றும் உள்துறை செயலாளர் அமுதா ஆகியோர் பங்கேற்றனர்.
டெல்லியில் நேற்று நடைபெற்ற இந்த ஆலசோனை கூட்டத்தை தொடர்ந்து இன்னும் ஓரிரு நாட்களில் குடிமைப்பணிகள் ஆணையம் 3 தகுதியான அதிகாரிகளின் பெயரை தமிழ் நாடு அரசுக்கு பரிந்துரை செய்யும் என்று எதிர்பார்க்க படுகிறது . இதற்கு பின்னரே தமிழ் நாட்டின் அடுத்த காவல் துறை டி.ஜி.பி. யார் என்பது தெரியவரும் , என்று அரசு வட்டாரங்கள் தெரிவித்துள்ளது .
அடுத்த தலைமை செயலாளர் யார் ?
2021 ம் ஆண்டில் ஆட்சி பொறுப்பை கைப்பற்றிய ஸ்டாலின் தலைமையிலான திமுக அரசு சைலேந்திரபாபுவை போலவே , இறையன்பு ஐ.ஏ.எஸ். யை தலைமை செயலாளராக நியமித்தது . இவரது பதவி காலமும் வயது மூப்பின் காரணமாக வரும் ஜூன் மாதம் 30 ம் தேதியுடன் நிறைவடைவதால் . தமிழ் நாட்டின் அடுத்த தலைமை செயலாளர் யார் என்ற கேள்வியும் எழுந்துள்ளது .
மூத்த ஐஏஎஸ் அதிகாரிகளான ஹன்ஸ் ராஜ் வர்மா, ஷிவ்தாஸ் மீனா, என் முருகானந்தம், அதுல்யா மிஸ்ரா, பனீந்திர ரெட்டி, விக்ரம் கபூர், எஸ்கே பிரபாகர், எஸ் கிருஷ்ணன் ஆகியோர் அடுத்த தலைமை செயலாளருக்கான போட்டியில் முன்னணியில் உள்ளனர்.
