ஜெயிக்கணும் இல்லை என்றால் ஓடிவிடணும் எனும் ஆபத்தான விளையாட்டை முதல் காட்சியிலேயே காட்டுகிறார்கள். அந்த விளையாட்டில் தோல்வி அடைபவர்களை கொடூரமாக கொலை செய்கிறார்கள். ஆனால் இந்த ஆபத்தான விளையாட்டை நடத்தும் குடும்பத்தை கிராமத்தினர் கொலை செய்துவிடுகிறார்கள். அந்த நபர்கள் தாங்கள் இருந்த பங்களாவில் பேயாக அலைகிறார்கள்.
ஒரு பிரச்சனையில் சிக்கிய தன் காதலியை (சுரபி) காப்பாற்றத் துடிக்கும் இவென்ட் மேனேஜர் சதீஷை(சந்தானம்) அறிமுகம் செய்து வைக்கிறார்கள். காதலியை காப்பாற்ற பெரிய தொகைக்கு ஏற்பாடு செய்கிறார் சதீஷ். ஆனால் அது பயங்கரமான தொழில் அதிபரிடம் இருந்து திருடப்பட்ட பணம் என்பது பின்னர் தெரிய வருகிறது.
இரண்டாம் பாதி பயங்கர விறுவிறுப்பாக செல்கிறது. ஜெயிக்கணும் இல்லை என்றால் ஓடிவிடணும் விளையாட்டில் நான்கு லெவல்கள் இருக்கிறது. ஒவ்வொரு லெவலிலும் ஒரு வித்தியாசமான டாஸ்க் இருக்கிறது. அதை எல்லாம் பார்த்து பார்த்து சிரிக்கும்படி உள்ளது.
படத்தை தன் தோள்களில் தாங்கியிருக்கிறார் சந்தானம். தன் ஒன்லைனர்களால் தியேட்டரில் இருப்பவர்களை சிரிக்க வைக்கிறார்.
சுரபி, ரெடின் கிங்ஸ்லி, பிரதீப் ராவத், முனீஷ்காந்த், மொட்ட ராஜேந்திரன் உள்ளிட்டோர் தங்கள் கதாபாத்திரத்தை புரிந்து நடித்திருக்கிறார்கள். அவர்களின் நடிப்பை குறை சொல்ல முடியாது.
கதை நகர நகர மாசூம் ஷங்கரின் கதாபாத்திரம் முக்கியமானதாக மாறுகிறது. அவர் நன்றாக நடித்திருக்கிறார்.
