அதிமுக ஆட்சியில் இருந்தபோது பொற்கால ஆட்சியை கொடுத்ததாகவும் இரண்டே ஆண்டில் மக்கள் வெறுப்பை சந்திக்கிற அரசாக திமுக மாறியுள்ளதாகவும் கூறினார். மேலும் ஊழலுக்காக கலைக்கப்பட்ட ஒரே அரசாங்கம் இந்தியாவில் திமுக மட்டும் தான்
கோவை காளப்பட்டி பகுதியில் உள்ள தனியார் மண்டபத்தில் அதிமுக பொதுச் செயலாளர் பதவிக்குப் பிறகு எடப்பாடி பழனிச்சாமி முதன்முறையாக கோவைக்கு வருகை தந்தார். அவருக்கு சிறப்பான வரவேற்பு மற்றும் பாராட்டு விழா நடைபெற்றது.
இந்த நிகழ்வில் அதிமுக சட்டமன்ற உறுப்பினர்கள், நிர்வாகிகள், தொண்டர்கள் பங்கேற்றனர். விழாவில்.பேசிய எடப்பாடி பழனிச்சாமி
ஜெயலலிதா மறைவுக்கு பிறகு எவ்வளவோ பிரச்சனைகளை சந்தித்து வருகிறோம் எனவும் என்னை
பொதுச் செயலாளராக தேர்ந்தெடுத்த அனைவருக்கும் நன்றியை தெரிவித்துக் கொள்வாதாக கூறிய அவர், புரட்சித் தலைவர், புரட்சித்தலைவி இரு பெரும் தலைவர்கள் பொதுச் செயலாளர் பதவியில் இருந்த நிலையில் எளிய தொண்டனாக இருந்த நான் பதவி ஏற்றுள்ளேன் என்றார்.
ஆனால்
திமுக வில் அப்படி வர முடியாது என்றும் வாரிசுகள் மட்டுமே தலைமை பதவிக்கு வந்துள்ளனர் என்றும் கூறினார். மேலும்
ஜனநாயக ரீதியாக உள்ள கட்சி இந்தியாவில் அதிமுக மட்டுமே,
வேறு எந்த கட்சியிலும் எளிய தொண்டன் உயர்ந்த நிலைக்கு வர முடியாது என கூறிய அவர். திமுக ஒரு கம்பெனி போல் செயல்பட்டு வருவதாகவும், திமுக வில் ஆட்சியிலும், கட்சியிலும் ஒரே குடும்பத்தை சேர்ந்தவர்கள் தான் உயர் பதவியில் இருக்கிறார்கள் எனவும் தெரிவித்தார்.
அதிமுக ஆட்சியில் இருந்தபோது பொற்கால ஆட்சியை கொடுத்ததாகவும் இரண்டே ஆண்டில் மக்கள் வெறுப்பை சந்திக்கிற அரசாக திமுக மாறியுள்ளதாகவும் கூறினார். மேலும் ஊழலுக்காக கலைக்கப்பட்ட ஒரே அரசாங்கம் இந்தியாவில் திமுக மட்டும் தான் என்ற அவர்
அதிமுக மக்களுக்கு சேவை செய்கிற இயக்கம் எனவும்,முதல்வர் ஸ்டாலின் செய்கிற ஒரே வேலை அதிமுக நிர்வாகிகள் மீது வழக்கு போடுவது மட்டுமே என குற்றம் சாட்டினார்.
தற்போது அதிமுக கொண்டு வந்த நிறைய திட்டங்கள் கிடப்பில் போடப்பட்டுள்ளதாகவும்
கோவைக்கு மெட்ரோ ரயில் திட்டத்தை அறிவித்தது அதிமுக என கூறிய அவர் அவிநாசி சாலையில் 10 கிலோமீட்டர் நான்கு வழிச்சாலை மேம்பாலம்,
கோவை – பொள்ளாச்சி 40 கிலோ மீட்டர் நான்கு வழிச்சாலை கொண்டு வந்தது அதிமுக ஆட்சியில் தான் என தெரிவித்தார். அதேபோல
திமுக எந்த புதிய திட்டத்தையும் கோவைக்கு அறிவிக்கவில்லை என்றும் தமிழகத்திலேயே 10 தொகுதியில் வெற்றி பெற்று வரலாறு படைத்த மாவட்டம் கோவை என்ற அவர் வருகிற பாராளுமன்ற தேர்தலில் 40 தொகுதிகளில் அதிமுக வெற்றி பெற வேண்டும் என கூறினார்.
