உலகம் சுற்றும் வாலிபன் என கேள்விபட்டு இருக்கிறோம். ஆனால், உலகம் சுற்றும் முதியவர் என்றால் நம்ம முடிகிறதா? இதோ 61 வயதில் உலகம் சுற்றும் ஒரு அமெரிக்கரின்.
அமெரிக்காவின் கலிபோர்னியா பகுதியை சேர்ந்தவர் ரிச் ஹேகெட் வயது (61). இவர், 1962 ஆம் ஆண்டு பிறந்தார். திருமணம் ஆகாத இவர், தாய் மற்றும் சகோதரருடன் வசித்து வாழ்ந்து வந்தார். படிப்பில் பெரிய அளவில் படிப்பில் சாதிக்காத இவர், சமையலில் மிகுந்த ஈடுபாட்டுடன் இருந்து சாதித்து வந்துள்ளார். அமெரிக்காவில் உள்ள ஒரு பல்கலைகழகத்தில் சமையல் செய்து வந்த இவர் தற்போது ஓய்வு நிலை பெற்றுள்ளார்.
இந்த நிலையில், இவர் உலகம் முழுவதும் சுற்றி பார்க்க வேண்டும் என மனதில் ஆவல் தோன்றியுள்ளது.1991-ல் இருந்து தற்போது வரை 120 நாடுகளுக்கு மேல் பயணம் செய்துள்ளார். இந்தியா வழியாக 2014, 2015, 2018 தற்போது 2023ல் பயணம் செய்து மேற்கொண்டு வருவதாக கூறியுள்ளார். 2013 ஆம் ஆண்டு முதல் முதலில் இந்த முறை சைக்கிள் ஓட்டி உலகை சுற்றும் பயணத்தை தொடங்கி உள்ளார்.
நான் பயணிக்கும் பைக் ஒரு மறு சீரமைப்பு பைக் செய்து, செ குடியரசு பைக் நிறுவனத்தில் தயாரிக்கப்பட்ட AZUB. 2013ல் இருந்து 40000 கிலோ மீட்டருக்கு மேல் இந்த சைக்கிளில் பயணித்துள்ளார். தினசரி சராசரியாக ஒரு நாளைக்கு 80-125 கிலோ மீட்டருக்கு செல்கிறார். இவர் போகும் இடங்களில் ஹோட்டல்களில் தங்கி செல்வதாகவும், அனைத்து இடங்களையும் பார்த்து செல்வதாகவும், நாட்டைப் பொறுத்து பல நேரங்களில் சொந்த உணவை சமைத்து சாப்பிடுவதாகவும் என தெரிவித்துள்ளார்.
இவர் கரூர் மாவட்டம், மலைக்கோவிலூர் அருகே கடந்து சென்று பெங்களூர் நோக்கி சென்று கொண்டிருக்கிறார். அதேபோன்று சாலையில் செல்லும் பொழுது அங்கிருக்கும் பொதுமக்கள் அவருடன் செல்பி எடுத்து மகிழ்கின்றனர். உலகம் சுற்றும் வாலிபன் என கேள்விப்பட்டு இருக்கிறோம். ஆனால், 61 வயதில் உலகத்தை சுற்றி வரும் இந்த அமெரிக்கர் பற்றி தற்போது தான் கேள்விபடுகிறோம். இவரது பயணம் மிகவும் சிறக்க நாமும் வாழ்த்துவோம்.
