ஹிமாச்சலப் பிரதேசத்தில் பெய்த பலத்த மழையால் பாலங்கள் மற்றும் நெடுஞ்சாலைகள் அடித்துச் செல்லப்பட்டன, பல இடங்களில் ஏற்பட்ட நிலச்சரிவுகளால் மக்கள் அத்தியாவசிய தேவைகளை கூட பூர்த்தி செய்யமுடியாமல் தவித்து வருகின்றனர் .
கனமழைக்கு இதுவரை குறைந்தது 9 பேர் இறந்துள்ளனர் மேலும் சேதங்களை தடுக்க இந்திய வானிலை ஆய்வு மையம் (IMD) 7 மாவட்டங்களில் சிவப்பு எச்சரிக்கையை ஒலித்துள்ளது.
இமாச்சல பிரதேசத்தின் குலுவில் உள்ள பியாஸ் ஆற்றங்கரையில் தேசிய நெடுஞ்சாலையின் ஒரு பகுதி அங்கு ஏற்பட்ட கடும் நிலச்சரிவைத் தொடர்ந்து அடித்துச் செல்லப்பட்டது.
நெடுஞ்சாலையில் பல வாகனங்கள் சிக்கித் தவிப்பதால் மண்டி மற்றும் குலு இடையே போக்குவரத்து துண்டிக்கப்பட்டுள்ளது என்று அதிகாரிகள் தெரிவித்துள்ளனர் .
கடந்த 36 மணி நேரத்தில் மாநிலத்தில் 13 நிலச்சரிவுகளும், ஒன்பது திடீர் வெள்ளமும் பதிவாகியுள்ளன.
ஞாயிற்றுக்கிழமை தெஹ்ரி கர்வால் மாவட்டத்தில் நிலச்சரிவில் வாகனம் ஒன்று கங்கை ஆற்றில் விழுந்ததில் 3 பேர் உயிரிழந்தனர் மற்றும் மூன்று பேர் காணவில்லை என்று போலீசாருக்கு புகார் தெரிவிக்கப்பட்டுள்ளது .
ஸ்ரீகண்ட் மகாதேவ் புனித யாத்திரையின் போது பார்வதி பாக் அருகே மலையில் இருந்து விழுந்து ஒரு பக்தர் உயிரிழந்தார் மேலும் இருவர் காணாமல் போயுள்ளனர்இதன் தொடர்ச்சியாக பார்வதி பாக் பகுதியிலும் ரெட் அலெர்ட் கொடுக்கப்பட்டு , ஜூலை 9 மற்றும் 10 ஆம் தேதிகளுக்கு யாத்திரையை தற்காலிகமாக நிறுத்தி வைக்கப்பட்டுள்ளது .
தேசிய நெடுஞ்சாலை 21 6 மைலில் தடைப்பட்டுள்ளது, அதே இடத்தில் கடந்த ஜூன் 27 அன்று நிலச்சரிவு காரணமாக பயணிகள் கிட்டத்தட்ட 24 மணி நேரம் சிக்கித் தவித்தனர்.
சனிக்கிழமை இரவு சண்டிகர்-மனாலி நெடுஞ்சாலையில் சடோல் அருகே வாகனத்தின் மீது கல் விழுந்ததில் நான்கு சுற்றுலாப் பயணிகள் மயிரிழையில் உயிர் தப்பினர்.
தேசிய நெடுஞ்சாலை 505 இல், பல இடங்களில் நிலச்சரிவு மற்றும் திடீர் வெள்ளம் காரணமாக சாலை மறியலைத் தொடர்ந்து சுண்டோ-காசா-கிராம்புவில் கிராமப்பு மற்றும் சோட்டா தர்ரா இடையே முப்பது கல்லூரி மாணவர்கள் வெள்ளத்தில் சிக்கித் தவித்தனர்.
முன்னதாக, இமாச்சலப் பிரதேசத்தின் குலுவில் பியாஸ் ஆற்றில் பெருக்கெடுத்து ஓடும் தேசிய நெடுஞ்சாலை 3-ன் ஒரு பகுதி அடித்துச் செல்லப்பட்டது.
ஞாயிற்றுக்கிழமை காலை 1,743 மின்மாற்றிகள் மற்றும் 138 நீர் வழங்கல் திட்டங்கள் வெள்ளத்தால் கடுமையாக பாதிக்கப்பட்டுள்ள நிலையில், 736 சாலைகள் மூடப்பட்டுள்ளன. சிம்லா மாவட்டங்களிலும் பல சாலைகள் மூடப்பட்டுள்ளன.
மண்டி-குலு சாலையிலும் நிலச்சரிவு ஏற்பட்டுள்ளது, ஆம்புலன்ஸ் உள்ளிட்ட அவசரகால வாகனங்கள் மட்டுமே இந்த சாலையில் அனுமதிக்கப்படுகின்றன.
பல இடங்களில் நிலச்சரிவு மற்றும் மரங்கள் விழுந்து ரயில் பாதையில் அடைப்பு ஏற்பட்டதால் யுனெஸ்கோ-சிம்லா மற்றும் கல்கா பாதைக்கு இடையிலான அனைத்து ரயில்களும் ரத்து செய்யப்பட்டுள்ளன.
மணாலியில் கடைகள் அடித்துச் செல்லப்பட்டுள்ளன, குலு, கின்னவுர் மற்றும் சம்பாவில் உள்ள நுல்லாவில் , சாலையில் சென்ற வாகனங்கள் திடீர் வெள்ளத்தில் அடித்துச் செல்லப்பட்டுள்ளன.
ராவி, பியாஸ், சட்லஜ், செனாப் உள்ளிட்ட அனைத்து முக்கிய ஆறுகளிலும் வெள்ளப்பெருக்கு ஏற்பட்டுள்ளதால், கனமழை பெய்யும் போது சுற்றுலாப் பயணிகள் மற்றும் பயணிகள் பயணம் செய்வதைத் தவிர்க்குமாறும், ஆற்றங்கரைகளுக்கு அருகில் செல்ல வேண்டாம் என்றும் எச்சரிக்கை விடுக்கப்பட்டுள்ளது .
இதற்கிடையில், இமாச்சல பிரதேசத்தின் லாஹவுல் மற்றும் ஸ்பிட்டி மாவட்டத்தில் உள்ள லோசார் கிராமத்தில் ஞாயிற்றுக்கிழமை எதிர்பாராத விதமாக பனிப்பொழிவு ஏற்பட்டது.
ஹிமாச்சலப் பிரதேச மாநிலத்தின் ஏழு மாவட்டங்களில் மிகக் கனமழை (204 மி.மீ.க்கு மேல்) பெய்யும் என உள்ளூர் வானிலை ஆய்வு மையம் சிவப்பு எச்சரிக்கை விடுத்துள்ளது. சம்பா, காங்க்ரா, குலு ஆகிய பகுதிகளில் உள்ள சில நீர்நிலைகளில் அதிக வெள்ள அபாய எச்சரிக்கையும் விடுக்கப்பட்டுள்ளது.
