தமிழ்நாடு மற்றும் புதுச்சேரியில் பிளஸ் 1 பொதுத்தேர்வு இன்று ரிசல்ட் வெளியீடு..!

தமிழ்நாடு மற்றும் புதுச்சேரியில் தேர்வெழுதிய 12 மற்றும் 10 ஆம் வகுப்புகளுக்கான ரிசல்ட் ஏற்கனவே வெளியிடபட்ட நிலையில், இன்று 14.05.2024 காலை 11 ஆம் வகுப்பு பொதுத்தேர்வு ரிசல்ட் வெளியிடப்பட உள்ளது.

- Advertisement -

2023 – 2024 ஆம் கல்வி ஆண்டுக்கான 11 ஆம் வகுப்பு பொதுத்தேர்வு கடந்த மார்ச் 4 ஆம் தேதி தொடங்கி மார்ச் 25 வரை நடைபெற்றது. இதற்கான செயல்முறை தேர்வுகள் பிப்ரவரி 19 முதல் பிப்ரவரி 24, 2024 வரை நடைபெற்றது.

11 ஆம் வகுப்பிற்கான தேர்வு முடிவுகள் இன்று காலை 9:30 மணிக்கு அதிகாரப்பூர்வ இணையதளத்தில் வெளியிடப்படுகிறது.

மாணவர்கள் தங்களுடைய தேர்வு முடிவுகளை tnresults.nic.in, dge.tn.gov.in போன்ற அதிகாரப்பூர்வ இணையதளங்களில் ஏதோ ஒன்றின் மூலமாக தெரிந்து கொள்ளலாம். இணையதளத்தில் நுழைந்ததும் 11 ஆம் வகுப்பு தேர்வு முடிவுகள் என்ற ஆப்ஷன் முகப்பு பக்கத்திலேயே இருக்கும்.

அதை கிளிக் செய்தால் புதிய பக்கம் திறக்கும். தேர்வு பதிவெண் மற்றும் உங்கள் பிறந்த தேதியை dd/mm/yyyy என்ற முறையில் உள்ளிட்டால் உங்கள் தேர்வு முடிவுகள் மற்றும் மதிப்பெண்களை தெரிந்து கொள்ளலாம்.

அதிகப்படியான மாணவர்கள் ஒரே நேரத்தில் தேடும் போது, அல்லது பாதிக்கப்படியான நபர்கள் இணையதளங்களில் நுழையும் போது சிக்கல்கள் ஏற்படலாம். இது இணைப்பு பிரச்சனை காரணமாக அல்லது இணையதளத்தில் உள்ள அதிகப்படியான நுழைவு முயற்சி காரணமாகவும் இருக்கலாம்.

இது போன்ற நேரத்தில் மாணவர்களுக்கு ஏற்படும் பதட்டத்தை குறைக்கவும் உடனடியாக தேர்வு முடிவுகளை தெரிந்து கொள்ளவும் தமிழ்நாடு பள்ளி கல்வித்துறை கூடுதலாக dge1.tn.nic.in, dge2.tn.nic.in என்ற இணையதளங்களை உருவாக்கியுள்ளது.

பிரத்தியேகமாக 12 ஆம் வகுப்பு தேர்வுக்காகவே ஒதுக்கப்பட்ட இந்த இணையதளங்கள் மூலமாகவும் எளிதாக தேர்வு முடிவுகளை தெரிந்து கொள்ளலாம். இந்த இரண்டு இணையதளங்களை நீங்கள் நுழைய முயலும் போது விரைவாக பிரதான தேர்வு முடிவு பக்கத்திற்கு உங்களால் செல்ல முடியும்.

பின்பு உங்கள் பதிவில் மற்றும் பிறந்த தேதியை உள்ளிட்டு உங்கள் மதிப்பெண்களை பதிவிறக்கம் செய்து கொள்ளலாம். இந்த நான்கு இணையதளம் மூலமாகவும், உங்கள் மதிப்பெண்களை தெரிந்து கொள்வதோடு அதிலிருந்து நேரடியாக பதிவிறக்கம் செய்து பிரிண்ட் அவுட் எடுத்துக் கொள்ளலாம்.

இணையதள வசதி இல்லாத மாணவர்கள் தங்கள் பள்ளிகளில் சமர்ப்பித்த உறுதிமொழி படிவத்தில் குறிப்பிட்டுள்ள தொலைபேசி எண்ணிற்கு குறுஞ்செய்தி வாயிலாகவும், தேர்வு முடிவுகள் மற்றும் மதிப்பெண்கள் அனுப்பப்படும்.

தனித் தேர்வர்களும் ஆன்லைனில் விண்ணப்பிக்கும் போது வழங்கிய கைபேசி எண்ணிற்கு குறுஞ்செய்தி வழியாக தேர்வு முடிவுகள் அனுப்பப்படும்.

நேரடியாக மாணவர்கள் படித்த பள்ளிகளில் இருந்தும் தங்கள் தேர்வு முடிவுகளை தெரிந்து கொள்ளலாம். மாணவர்களுக்கான மதிப்பெண்களை பள்ளிகளில் தரவிறக் செய்ய ஏற்பாடுகள் செய்யப்பட்டுள்ளன. அதன் வழியாகவும் மாணவர்கள் தங்கள் மதிப்பெண்களை தெரிந்து கொள்ளலாம்.